Төлөвлөлт, хяналт-шинжилгээ, үнэлгээ, хамтын ажиллагааны алба нь 2014 оны 2 дугаар сард төвийн шинэчлэгдсэн бүтцийн дагуу байгуулагдаж дараах чиглэлээр ажиллаж байна.  Үүнд:

• Төвийн алсын хараа, хэтийн зорилгыг үйл ажиллагааны үндсэн чиглэлтэй уялдуулан тодорхойлж, түүнийг хэрэгжүүлэх урт болон дунд хугацааны стратеги төлөвлөгөөг салбарын хэмжээнд дэвшүүлсэн бодлого, шийдвэр, төлөвлөгөө, төвийн урт, дунд хугацааны болон жилийн үйл ажиллагааны төлөвлөгөөний хэрэгжилтэд хяналт-шинжилгээ, үнэлгээ хийж төвийн үйл ажиллагааг сайжруулах талаар зөвлөмж гаргаж, удирдлагыг мэдээллээр хангана.
• Шаардлагатай тохиолдолд Төвийн тодорхой чиг үүрэгт системчилсэн үнэлгээ, хөрөнгө зарцуулалтын үр ашигтай, зохистой байдал, хууль, тогтоомж, стандарт, дүрэм журмын хэрэгжилтэнд үнэлгээ хийж, хяналт-шинжилгээ, үнэлгээний дүнд үндэслэн байгууллагын үйл ажиллагааг сайжруулах зөвлөмж гаргана.
• Төвийн гадаад хамтын ажиллагааг өргөжүүлэн хөгжүүлнэ.

1961 онд Цацраг туяа эмнэлэг 45 ортой анх байгуулагдахад тогооч Ээмэгт, бэлтгэгч Чулуун, морин тэрэгч-мод бэлтгэгч Дуламхүү гэсэн бүрэлдэхүүнтэйгээр ажиллаж эхэлсэн. Бүтэц зохион байгуулалтын хувьд захиргаа аж
ахуйн нэгжид хамаарагдан ажиллаж байгаад 1998-2008 онуудад зарим ажил үйлчилгээг гэрээгээр гүйцэтгүүлэх Засгийн газрын 1998 оны тогтоолын дагуу эмчлүүлэгчдийн хоол үйлдвэрлэлийг П.Энхтуяа захиралтай “Гермес
трейдинг” ХХК гүйцэтгэж байв. 2008 онд ХСҮТ-ийн захирлын тушаалаар Нэгдсэн гал тогооны алба байгуулагдан 2010 оноос Хоол, үйлдвэрлэл, үйлчилгээний алба, 2020 оноос Эмчилгээний хоол, шим тэжээлийн тасаг болон зохион байгуулагдан үйл ажиллагаагаа явуулж иржээ.

2021 оны байдлаар Нийгмийн эрүүл мэнд, эрдэм шинжилгээ, сургалтын алба нь төгсөлтийн дараах сургалт, эрдэм шинжилгээ, үндэсний хөтөлбөрийн хэрэгжилтийн зохицуулалт зэрэг үйл ажиллагааг хариуцан, албаны дарга АУ-ны доктор Ц.Бадамсүрэн, хөтөлбөр, эрдэм шинжилгээ хариуцсан мэргэжилтэн Нийгмийн эрүүл мэндийн ухааны магистр Д.Алтанзаяа, сургалтын арга зүйч Анагаах ухааны магистр Н.Булган нарын бүрэлдэхүүнтэй 3 орон тоотойгоор ажиллаж байна.

2010 онд Хангамж, үйлчилгээ, инженер техникийн албаны бүрэлдэхүүнд эмнэлгийн тоног, төхөөрөмжийн инженер, техникч ажиллаж байсан ба 2017 онд Эмнэлгийн тоног төхөөрөмжийн алба болж тусдаа байгуулагдан эмнэлгийн тоног төхөөрөмжийн инженер, техникч нарын 10 мэргэжилтний бүрэлдэхүүнтэйгээр ажиллаж байна.

1987 оны 11-р с арын 30-нд Хавдар  судлалын төвийн 137 тоот тушаалаар “Зохион байгуулалт, статистик арга барилын тасаг” байгуулагдаж улсын хэмжээний хавдрын тусламжийн зохмон байгуулалт, статисик судалгаа, мэдээлэл, хавдраас урьдчилан сэргийлэх, хавдартай тэмцэх ажлыг хариуцдаг болсон.

2011-2017 он хүртэл ХСҮТөвийн Эрдэм шинжилгээ Сургалт Мэдээллийн Албаны бүтцэд улсын хэмжээний хорт хавдрын бүртгэлийн хэсэг болж эпидемиологич эмч-1, статистикч эмч-1, хавдрын бүртгэлийн ажилтан -1 орон тоогоор ажилласан. 2017 оны А/155 тоот ерөнхий захирлын тушаалаар бүтцийг алба болгон өргөжүүлж үндэсний хэмжээнд хорт хавдар, эрт илрүүлгийн бүртгэл тандалтын үйл ажиллагааг хариуцан албаны даргаар их эмч Т.Ундармаа, эпидемиологич их эмч-1, эрт илрүүлгийн зохицуулагч эмч 1, хавдрын бүртгэлийн ажилтан -2 нийтдээ 5 орон тоотойгоор үйл ажиллагаа явуулж байна.

Тус алба 1961 онд Улсын Цацраг Туяа эмнэлэг нэртэй байгуулагдсан цагаас захиргаа аж ахуйн тасагт харъяалагдан ажиллаж байгаад 1995 онд инженер техникийн ажилчдыг нэгтгэсэн *Инженер техникийн* бие даасан алба байгуулагдсан. 2010 онд бүтэц шинэчлэгдэн “Хангамж үйлчилгээ, инженер техникийн алба” нэртэйгээр үйл ажиллагаагаа явуулж эхэлсэн бөгөөд энэ үеэс угаалгын хэсэг, нийтлэг үйлчилгээний багт харъяалагдан ажиллах болсон. 2020 онд албаны бүтэц, орон тоонд өөрчлөлт хийж “Байгууламжийн менежмент, аюулгүй байдлын алба” болон өөрчлөгдөн 83 ажилтантай үйл ажиллагаа явуулж байна.

ХСҮТ-ийн Ерөнхий захирлын 2020 оны А/44 дүгээр тушаалаар Үйлчлүүлэгчийг дэмжих албыг байгуулсан ба 2021 оны байдлаар албаны дарга, нийгмийн ажилтан, сэтгэл зүйч, хоол зүйч гэсэн 4 орон тоотойгоор үйл ажиллагаагаа явуулж байна.