1. ХСҮТ-ийн ёс зүйн салбар хорооны тайлан

1. Эмнэлгийн мэргэжилтний ёс зүйн хэм хэмжээ
2. МУ-ын Төрийн албан хаагчийн эрхэмлэх 9 зүйл
3. Эмнэлгийн мэргэжилтний ёс зүйн хэм хэмжээний дүрэм, журмын тухай

СУРГАЛТ БОЛЛОО

2018 оны 10 дугаар сарын  26-ны өдөр

2018 оны 10 дугаар сарын 19, 26-ны өдрүүдэд төвийн нийт эмч, эмнэлгийн мэргэжилтнүүдэд “Эмнэлгийн мэргэжилтний ёс зүйн  хэм хэмжээ, харилцаа хандлага” сэдэвт 2 кредитын сургалтыг төвийн эмнэлэгийн мэргэжилтний ёс зүйн салбар хорооноос зохион байгуулсан ба төвийн нийт 300 гаран ажилтан хамрагдсан.

ЦАХИМ ХУУДАСНЫ МЭДЭЭЛЭЛ БАЯЖУУЛСАН БАЙДАЛ

Төвийн эмнэлгийн мэргэжилтний ёс зүйн салбар хорооны буланг ХСҮТ-ийн цахим хуудас (www.cancer-center.gov.mn)-Бидний тухай – Эмнэлгийн мэргэжилтний ёс зүйн салбар хороо) байрлуулан гишүүдийн танилцуулга, дүрэм журам, үйл ажиллагааны талаарх мэдээллийг байнга шинэчлэн ажиллаж байна.
ХСҮТ-ийн эмнэлгийн мэргэжилтний ёс зүйн салбар хорооны самбарыг төвийн 1 давхарын төв хэсэгт байрлуулан 4 дэхь жилдээ ажиллуулж байна. Самбарт ЭМС-ын 446 дугаар тушаал, холбогдох заалтууд, хорооноос зохион байгуулж буй сургалт, сурталчилгаа, үйл ажиллагааны талаархи мэдээлэл, зарлал зэргийг байнга байрлуулан ажилласан.
Олон нийтийн мэдээллийн сүлжээ болон facebook хуудсанд ХСҮТ-ийн эмнэлгийн мэргэжилтний ёс зүйн салбар хороо нэртэй групп нээж  нийт эмч, ажилтнуудад салбар хорооны үйл ажиллагааны талаар 5 удаагийн мэдээлэл оруулан ажиллаж байна.

ЖИЖИГ БҮЛГИЙН СУРГАЛТУУД

2017 онд тасаг, нэгжээр нь жижиг бүлгийн сургалт явуулах нь үр дүнтэй гэж үзсэний дагуу эхний хагас жилийн байдлаар дараах тасгийн эмч нарт сургалт хийгдсэн байна.
“Таагүй мэдээ хүргэх нь” сэдвээр төвийн эмнэлгийн мэргэжилтний ёс зүйн салбар хорооны дарга Б.Ганзориг, мөн хорооны гишүүн, сэтгэл зүйч Ч.Аззаяа нар дараах тасгуудад сургалт хийсэн болно. Үүнд:

• 2017.03.24-ний өдөр Ерөнхий мэс заслын тасгийн эмч нарт,
• 2017.03.31-ний өдөр Эмэгтэйчүүдийн мэс заслын тасгийн эмч нарт,
• 2017.06.06-ны өдөр Элэг цөс нойр булчирхайн мэс заслын тасаг, ангиографийн тасгийн эмч нарт.
• 2017.08.30-ны өдөр Толгой хүзүүний мэс заслын тасгийн эмч нарт.

ЭМНЭЛГИЙН МЭРГЭЖИЛТНИЙ ЁС ЗҮЙН СЭДВЭЭР “АХА” ТЭМЦЭЭН ЗОХИОН БАЙГУУЛАГДЛАА.

2017 оны 04 дүгээр сарын  28-ны өдөр

Олон улсын сувилагчийн өдрийг угтан Хавдар судлалын үндэсний төвийн эмч, сувилагч, ажилчдын дунд Сувилахуйн алба, Төвийн эмнэлгийн мэргэжилтний ёс зүйн салбар хороотой хамтран “Эмнэлгийн мэргэжилтний ёс зүйн салбар хороо” сэдвээр танин мэдэхүйн цэнгээнт “АХА” тэмцээнийг 2017 оны 04 дүгээр сарын     28-ны өдөр Нийгмийн эрүүл мэндийн мэдээллийн төвд амжилттай зохион байгууллаа.

Тэмцээнд тус төвийн 48 ажилтан оролцож Нэгдсэн лабораторийн тасгийн лаборант Г.Гантуяа тэргүүн байр, элэг цөс нойр булчирхайн мэс заслын тасгийн их эмч П.Бат-Ирээдүй,нэгдсэн лабораторийн тасгийн лаборант Б.Золзаяа нар дэд байранд шалгарлаа. Хөгжөөн дэмжигчидийн дундах асуулт хариултын тэмцээнд Нийгмийн эрүүл мэнд, эрдэм шинжилгээ, сургалтын албаны мэргэжилтэн Д.Алтанзаяа, эрчимт эмчилгээ яаралтай тусламжийн тасгийн ахлах сувилагч Г.Жамъянтүдэв нар шалгарч мөнгөн шагнал,эрхийн бичгээр тус тус шагнууллаа.