Хавдар судлалын үндэсний төв, Монголын үндэсний олон нийтийн радио телевиз, ХААН Банк хамтран 15 дахь жилдээ хэрэгжүүлж буй “Хавдрын эсрэг үндэсний аян-2025” Дорноговь аймагт нээлтээ хийлээ.
Энэ жилийн аян 2025 оны 4-р сарын 14-19-ний хооронд Дорноговь аймагт, 4-р сарын 20-26-нд Архангай аймагт хэрэгжиж, орон нутгийн иргэдэд хавдрын эрт илрүүлгийн үзлэг, оношилгоо хийх, зөвлөгөө өгөхийн зэрэгцээ шийдвэр гаргагчид, хавдар судлаач эмч, сувилагч, хавдар бүртгэгч нар уулзалт, сургалтууд хийх ажлуудыг зохион байгуулах ажээ.
Аяны энэ удаагийн багт ХСҮТ-ийн ерөнхий захирал Э.Эрдэнэхүү, Үйл ажиллагаа эрхэлсэн дэд захирал Ц.Уранчимэг, ерөнхий мэс засал, эмэгтэйчүүдийн мэс засал, элэг цөсний мэс засал, хөх, хөнгөвчлөх эмчилгээ, дуран, эмгэг судлаач эмч нар ажиллаж байна.
Аяны эхний өдрийн байдлаар 159 хүн үзлэгт хамрагдаж, хортой хавдар 3, хорт хавдрын сэжигтэй 3 тохиолдол илрүүлжээ.
Эмнэлгийн тусламж үйлчилгээг алслагдсан бүс нутгийн иргэдэд ойртуулах, орон нутгийн эмч мэргэжилтнүүдийг чадавхижуулахад бодит үр дүн гаргасан энэхүү аян нь үндэсний хэмжээнд танигдаж, хавдрын эрт илрүүлгийн суурийг тавьсан гэдгээрээ олны талархалыг хүлээсэн юм.
ДЭМБ умайн хүзүүний хорт хавдраас урьдчилан сэргийлэх,эрт илрүүлэх арга хэмжээг Монгол Улсад эрчимжүүлэхэд 90 гаруй сая төгрөгийн өртөг бүхий эрт илрүүлгийн оношлуурыг шийдвэрлэж нийслэлийн Хан-Уул дүүргээс эхлэн хэрэгжүүлэхээр боллоо.
Loading ...
