Хорт хавдрын шинэ тохиолдол нэмэгдэх хандлагатай. 2040 он гэхэд энэ өвчлөл 11000-д хүрэх тооцоолол байна. Гэхдээ эрт үед нь илрүүлснээр бүрэн эмчлэгдэх боломжтой.ХОРТ ХАВДРЫН ЭРТ ИЛРҮҮЛЭГТ ТОГТМОЛ ХАМРАГДАЖ- ЭРҮҮЛ МЭНДДЭЭ ХАРИУЦЛАГАТАЙ ХАНДАЦГААЯ.
Хорт хавдрын шинэ тохиолдол нэмэгдэх хандлагатай. 2040 он гэхэд энэ өвчлөл 11000-д хүрэх тооцоолол байна. Гэхдээ эрт үед нь илрүүлснээр бүрэн эмчлэгдэх боломжтой.
Хөнөөл багатай, алдаа багатай мэс заслын дэвшилтэт технологиудыг хөгжүүлэхэд өртөгийг зөв тооцож үнэлэх асуудал нэн чухал байгаа юм.
ХСҮТ-д хийгдэж буй ерөнхий мэс заслын 50 орчим хувь нь дурангийн аргаар хийгдэж байна.
Хавдар судлалын үндэсний төв нь 2018 оноос элэгний хорт хавдартай өвчтөнд амьд донороос элэг шилжүүлэх мэс заслыг нутагшуулж эхэлснээс хойш 2025 оны байдлаар 180 удаа элэг шилжүүлэн суулгажээ. Амьд донороос эрхтэн шилжүүлэх мэс засалд донорын аюулгүй байдлыг хангах, мэс заслын дараах амьдралын чанарыг хадгалах асуудал нэн чухал байдаг. Тус эмнэлгийн эрхтэн шилжүүлэн суулгах багийнхан 2024 оноос элэг шилжүүлэн суулгах мэс засалд донорын баруун элгийг дурангийн аргаар тайрах технологийг нутагшуулахаар бэлтгэж эхэлсэн бөгөөд өнөөдөр анхны хагалгаагаа амжилттай хийлээ. Эрүүл байж, бусдад амьдрал бэлэглэж буй донорын элгийг хөнөөл багатай дурангийн аргаар тайрч авснаар донор маань хагалгааны дараа богино хугацаанд илаарших, биед үүсэх шархны хэмжээ жижиг болж гоо сайхны хувьд хохирол бага байх боломж бүрдэж байна. Тус төвд хийгдэж буй анхны мэс заслыг БНСУ-ын Элэг шилжүүлэн суулгах нийгэмлэгийн ерөнхийлөгч, Сөүлийн Их Сургуулийн Эмнэлгийн зөвлөх эмч, Жонс Хопкинсийн их сургуулийн эмнэлгийн Элэг шилжүүлэн суулгах мэс заслын зөвлөх эмч, Амьд донороос элэг шилжүүлэн суулгах олон улсын багийн (ILDLTG) ерөнхий нарийн бичгийн дарга Профессор Kwang Woong Lee ахлан БНСУ-ын Сөүлийн Их Сургуулийн эмнэлгийн мэс заслын зөвлөх профессор Kwang Woong Lee, профессор Kim Jae Yoon, мэс заслын сувилагч Shin Eun Hye нарын бүрэлдэхүүнтэй баг хамтран хийж зөвлөн туслалаа. Цаашид уг мэс заслыг бүрэн нутагшуулах зорилгоор ХСҮТ нь БНСУ-ын Сөүлийн Их Сургуулийн Эмнэлэгтэй хамтран ажиллах санамж бичгийг байгууллаа. Профессор Kwang Woong Lee-ийн багийнхан 2015 оноос амьд донорт дурангийн аргаар баруун элэг тайрах мэс засал хийж эхэлсэн бөгөөд робот болон дурангийн аргыг ашиглан элэг шилжүүлэн суулгах мэс заслыг хийж буй дэлхийд хүлээн зөвшөөрөгдсөн туршлагатай мэс заслын цөөхөн багуудын нэг юм.
Монгол хүний эрүүл, элэг бүтэн амьдралын төлөө хамтран ажиллаж, мэргэжлийн өндөр ур чадвар, технологид Монгол эмч нар суралцах боломжийг олгож буй БНСУ-ын Сөүлийн Их Сургуулийн Эмнэлэг (SNUH), ХСҮТ-ийн ерөнхий захирал Erdenekhuu Nansalmaa түүний удирдлагын багийнхан, элэгний хавдрын мэс заслыг эх орондоо бүрэн нутагшуулахын төлөө мэдлэг чадвар, сэтгэл зүрхээ зориулан ажиллаж буй УИХ-ын гишүүн, ХСҮТ-ийн зөвлөх эмч Жигжидсүрэнгийн Чинбүрэн, түүний бэлтгэсэн баг болох ХСҮТ-ийн Элэг цөс нойр булчирхайн мэс засал, эрхтэн шилжүүлэн суулгах төвийн Г.Үнэнбат эрхлэгчтэй хамт олонд амжилт хүсье.
Олон Улсын Хавдрын Хяналтын Холбооноос (UICC) анх санаачилан жил бүрийн 2-р сарын 4-ыг хавдрын эсрэг анхаарал хандуулах Дэлхийн өдөр хэмээн зарласан бөгөөд манай улс уг өдрийг 2007 оноос эхлэн тэмдэглэж байна. Хорт хавдраас сэргийлэх, хянах, хор хөнөөлийг бууруулахад дэлхийн улс орнуудын засгийн газрын хүчин чармайлтыг сайжруулах, нийгмийн бүх салбар, иргэд, олон нийтийн үүрэг оролцоо, санаачлагыг нэмэгдүүлэх, хавдраар өвдсөн хэн бүхэн хаана амьдардаг, хэн байхаас үл хамааран шаардлагатай тусламж үйлчилгээгээ сэтгэл ханамжтай авдаг байх боломжийн төлөө дуу хоолойгоо нэгтгэхэд энэ өдрийн зорилго оршино. Бид 2025 оны хавдрын эсрэг Дэлхийн өдрийг “Бидний түүх-Биднийг нэгтгэнэ. Хүн төвтэй тусламж үйлчилгээ” уриан дор тэмдэглэж байна. Хавдраар өвдсөн шалтгаан, хавдрын түүх нь хүн бүрд өөр, хүн бүр ялгаатай, өвөрмөц ч гэсэн өөрт шаардлагатай тусламж үйлчилгээгээ авах, хавдрыг даван туулах, эрүүл чанартай амьдрах хүсэл, зорилгоороо нэгдэх, хүн төвтэй, хүнд ээлтэй тусламж үйлчилгээг хөгжүүлэхийг дэлхий нийтэд уриалж байгаа билээ. ХСҮТ-өөс энэ өдрийн хүрээнд сэтгүүлчдэд зориулсан сургалтыг зохион байгуулж МҮОНТ, UBS, ETV, HDМонгол, TB9 зэрэг 8 телевиз, МҮОНР, 6 сайтын 20 сэтгүүлч оролцож, хорт хавдрын өвчлөл нас баралтын өнөөгийн байдал, тусламж үйлчилгээний ахиц ололт, хавдраас сэргийлэх ухуулга нөлөөллийн үйл ажиллагаанд сэтгүүлчдийн үүрэг оролцоо, элэгний болон умайн хүзүүний хавдрын анхдагч сэргийлэлт болох дархлаажуулалтын үр нөлөө, ач холбогдол зэрэг олон сэдвээр мэдээлэл авсан юм. Сургалтыг нээлтэд УИХ-ын гишүүн, ХСҮТ-ийн зөвлөх эмч Ж.Чинбүрэн, НҮБ-ын Хүүхдийн сангийн Монгол дах суурин төлөөлөгч Эваристе Коуасси-Комлан НҮБ-ын Хүүхдийн сангийн ахлах мэргэжилтэн Ч.Батаа, МУ-ын Хүний гавъяат эмч, НҮБ-ын Хүүхдийн сангийн дархлаажуулалтын зөвлөх Д.Нарангэрэл, НЭМҮТ-ийн ЭМДМА-ны дарга С.Гэрэлмаа, ХӨСҮТ-ийн Дархлаажуулалтын албаны дарга О.Дашпагма, дархлаажуулалтын эмч нар зэрэг хүндэт зочдоос гадна ХСҮТ-ийн ерөнхий захирал Н.Эрдэнэхүү, Үйл ажиллагаа эрхэлсэн дэд захирал Ц.Уранчимэг тус төвийн тасаг, албадын эрхлэгч, дарга нийт 50 гаруй хүн оролцож мэдээлэл хуваалцан ярилцлаа.
Хорт хавдрын үзүүлэлт-2024-өөс: Монгол улсын хүн амын дунд 2024 онд 8169 хорт хавдрын шинэ өвчлөл бүртгэгдсэн нь өнгөрсөн оныхоос 925 тохиолдлоор, 4755 хүн энэ өвчний улмаас нас барсан нь өнгөрсөн оны үеийнхээс 199 тохиолдлоор тус тус нэмэгджээ. Хорт хавдрын өвчлөлийн бүтцэд элэг (28.9%,) ходоод (16.2%), уушиг гуурсан хоолой (6.7%), умайн хүзүү (6.4%), бүдүүн, шулуун гэдэсний (5.0%) хорт хавдрууд нийт хорт хавдрын өвчлөлийн 63.2 хувийг эзэлж байна. Шинээр оношлогдсон нийт хавдрын 36.6% нь эрт үе шатандаа, 64.4% нь хожуу үе шатандаа оношлогджээ. Хорт хавдрын шалтгаант нас баралтын бүтцэд элэг, ходоодны хавдрууд нийт нас баралтын 52.2%-ийг эзэлж байна.
Хавдрын асуудалд олон нийтийн анхаарал хандуулах, хүн бүрийн хүчин чармайлтыг нэмэгдүүлэхэд хэвлэл мэдээллийн байгууллагуудын үүрэг оролцоо нэн чухал билээ.Энэ хүрээнд ХСҮТ-өөс сэтгүүлчдийн дунд бүтээлийн уралдааныг удахгүй зарлах гэж байна.
Бидний урилгыг хүлээн авч хүрэлцэн ирсэн эрхэм сэтгүүлчид, энэхүү үйл ажиллагааг дэмжин хамтран ажилласан та бүхэндээ талархал илэрхийлье.
Хавдаргүй ирээдүйн төлөө хамтдаа хичээе.
Бидний түүх-Биднийг нэгтгэнэ.
Хүн амын наслалт уртсахын хэрээр хөгшрөлтийг дагаж өвдөх эрсдэл нь нэмэгддэг өвчнүүдийн нэг нь хорт хавдар. Гэхдээ энэ өвчнөөс сэргийлэхэд эрүүл мэндийнхээ төлөө, хайртай хүмүүсийнхээ төлөө хувь хүний гаргаж буй ШИЙДВЭР, хийж буй ҮЙЛДЭЛ маш их нөлөөтэй.ТА ЮУ ХИЙЖ ЧАДАХ ВЭ?:
ТАМХИНААС ТАТГАЛЗАХ ХООЛ, ХҮНСЭЭ ЗӨВ СОНГОХ, ЭРҮҮЛ ХООЛЛОЛТЫГ ЭРХЭМЛЭХ СТРЕССЭЭ УДИРДАХ АЛХАХ, ГҮЙХ, АЯЛАХ, СЭЛЭХ, ДАСГАЛ ХИЙХ, ДУГУЙ УНАХ… ДАРХЛААЖУУЛАЛТ ХИЙЛГЭХ: Элэгний В вирусийн эсрэг, ХүнийПапиллом Вирусийн эсрэг
ТОВЛОЛТ НАСАНДАА ЭРТ ИЛРҮҮЛЭГТ ТОГТМОЛ ХАМРАГДАХ СУУРЬ, АРХАГ ӨВЧИН ЭМГЭГТЭЙ БОЛ ЭМЧИЙН ХЯНАЛТАДИДЭВХИТЭЙ ЯВЖ, БҮРЭН ЭМЧЛҮҮЛЭХ
ТА ЧАДНА. ТАНЬД ЭРҮҮЛ ЭНХИЙГ ХҮСЬЕ.
Орчин үеийн анагаах ухаанд хорт хавдрын оношилгоо, эмчилгээ нь молекул, генетикт суурилан улам бүр оновчтойгоор нарийсан хөгжиж буй энэ цаг үед дэлхийн хөгжлөөс хоцрохгүй байж, шинэ дэвшилтэт технологиудыг тусламж үйлчилгээндээ тасралтгүйгээр нэвтрүүлж, Монгол хүнийхээ амь насыг хамгаалах боломжтой байх нь бидний хүсэл, бидний үүрэг, бидний зорилго юм.
Хавдар гэх ойлголт өнгөрсөн хугацаанд ямар байв, одоо ямар болсон, ирээдүйд мөн хэрхэн өөрчлөгдөх вэ?
Хавдар судлалын үндэсний төвийн эмч мэргэжилтнүүд ийн хариуллаа.
ЭРТ ИЛРҮҮЛЖ ЧАДВАЛ БҮРЭН ТӨГС ЭМЧЛЭХ БОЛОМЖТОЙ
1. Б.Наранбаатар найруулга “Хөх торгон дээл” Үндэсний хөгжмийн цөөхүүл, Гоцлол хөгжимчин Б.Майнбаяр
2. Ц.Пүрэвхүү хөгжим “Икэлийн эгшигт нутаг” морин хуурч Б.Улсболд
3. Б.Мэнд-Амар хөгжим “Цохиурын Ай” Үндэсний хөгжмийн цөөхүүл
4. Д.Баттөмөр хөгжим Ш.Сүрэнжав шүлэг “Миний нутгийн бараа”
5. Т.Чимиддорж шүлэг Р.Минжирмаа шүлэг “Сүүн цагаан сэтгэл” Дуучин С.Бүрэнжаргал
6. Ж.Мэнд-Амар хөгжим “Аялгуу” Үндэсний хөгжмийн цөөхүүл
7. Ш.Аюуш найруулга “Монгол ардын хоёр дууны найруулга” Үндэсний хөгжмийн цөөхүүл
8. Ц.Сүхбаатар хөгжим “Үүлэн бор” Үндэсний хөгжмийн цөөхүүл
Их уншсан мэдээ
Санал асуулга
Loading ...Хандалт
