ХСҮТ-дээр 2022 оноос хойш үргэлжилж буй хөгжмийн эмчилгээний хөтөлбөр энэ зуны 6-р сард ч амжилттай явагдлаа.

Энэ удаа бидний хөгжим эмчилгээнд “ЦАГААН ЛАВАЙ ЧУУЛГА” дэмжин оролцож хавдрын эсрэг хөгжмөөр нэгдэн хавдрын даван туулагчдад, эмчлүүлэгчдэд  урам зориг, итгэл найдвар, сэтгэлзүйн тэнцвэрт байдалд хүрэхэд үнэтэй нөлөө үзүүлсэн эмчилгээний мөч байлаа.

Хөгжим нь өвдөлт, айдас, ганцаардлыг зөөллөдөг. Тэр тусмаа онцгой нөхцөлд байгаа хүмүүст найдвар өгч, амьдралын утга учрыг сануулдаг.

2025.06.27-ны 11:00 цагт ХСҮТ-ийн НЭММТ(Дугуй заал)-д “Нойрны зөв дэглэм” гэсэн сэдвээр СЭМҮТ-ийн эмч П.Энх-Учрал хүрэлцэн ирж эмнэлгийн эмчлүүлэгч, үйлчлүүлэгч болон эмнэлгийн ажилтан та бүхнийг хүрэлцэн ирэхийг урьж байна.

ХСҮТ нь уг төвтэй 2022 онд Санамж бичиг байгуулж,  сургалт, эрдэм шинжилгээ болон оношилоо, эмчилгээний шинэ технологи нэвтрүүлэх чиглэлээр хамтран ажиллаж байна. Энэхүү гэрээний хүрээнд тус төвийн эмч, мэргэжилтэнүүд туршлага солилцох, шинэ технологид суралцаж байгаа төдийгүй хавдар судлалын чиглэлээр суралцаж буй резидент эмч нарыг солилцооны хөтөлбөрт хамруулж сургаж эхэллээ. Солилцооны эхний хөтөлбөрт ХСҮТ-ийн хавдар судлал үндсэн мэргэшлийн сургалтад суралцаж буй резидент эмч Д.Баасандагва, И.Аимжан нар П.А Герцений нэрэмжит ОХУ-ын хавдрын судалгааны төвд 14 хоног суралцахаар явж байна. Суралцах хугацаандаа тус төвийн хавдрын оношилгоо, эмчилгээний шинэ арга, технологитэй танилцахын зэрэгцээ хавдрын системийн эмчилгээ, туяа эмчилгээний тасагт ажиллаж суралцана. Мөн тус төвийн хавдар судлалын резидент эмч нар манай төвд ирж суралцах юм.

ХСҮТ-ийн Ерөнхий захирал М.Адилсайхан солилцооны хөтөлбөрт хамрагдаж буй резидент эмч нарыг хүлээн авч уулзаж, сургалтын ач холбогдол, сургалтын явцад анхааран суралцах чиглэл, мөн сургалтын дараа хэрэгжүүлэх ажлын талаар санал солилцож, зөвлөгөө өгч сургалтад нь амжилт хүслээ.

Энэхүү хөтөлбөрийг хэрэгжүүлэхэд дэмжлэг үзүүлэн хамтран ажиллаж буй П.А Герцений нэрэмжит ОХУ-ын хавдрын судалгааны төвийн удирдлага,  гадаад хамтын ажиллагааны хэлтэс, сургалтын алба болон Эс Эф Си Эс компаний хамт олонд талархал илэрхийлье.