Монгол Улсын Ерөнхийлөгчийн санаачилгаар хэрэгжүүлж буй “Эрүүл Монгол хүн” үндэсний хөдөлгөөнийг олон нийтэд сурталчлан таниулах, иргэдийг эрүүл амьдралын хэв маяг, идэвхтэй дасгал хөдөлгөөнд уриалах, эрүүл мэндийн мэдээлэл түгээх, олон салбарын уялдааг хангах зорилготой “Эрүүл Монгол хүн” үндэсний фестиваль өнөөдөр Сүхбаатарын талбайд зохион байгуулагдлаа.
Фестивалийн нээлтэд Монгол Улсын Ерөнхийлөгчийн Эрүүл мэнд, спорт, нийгмийн бодлогын зөвлөх, Анагаах ухааны доктор Т.Мөнхсайхан, ДЭМБ-ын Монгол Улс дахь Суурин төлөөлөгч Др.Сокорро Эскала, ЕТГ-ын “Эрүүл Монгол хүн” төсөл хөтөлбөр хариуцсан албаны дарга, доктор О.Чимэдсүрэн болон ЭМЯ, НЭМГ-ын харьяа эрүүл мэндийн байгууллагуудын удирдлага, албаны бусад хүмүүс оролцсон юм. Энэ өдөр урлаг соёлын оддын тоглолт, спортын 20 төрөлт тэмцээн уралдаан, бүх нийтийн дасгал хөдөлгөөн, эрүүл зөв хооллолт болон замын хөдөлгөөний аюулгүй байдлын зөвлөгөө, үзэсгэлэн худалдаа, эрүүл мэндийн зөвлөгөө, мэдээлэл түгээх, чөлөөт тоглоом зэрэг олон төрлийн арга хэмжээг зохион байгуулж, иргэд олон нийтийг өргөн хүрээнд хамруулсан томоохон үйл явдал боллоо. Хавдар судлалын үндэсний төвөөс Үйлчлүүлэгчийг дэмжих алба, Ерөнхий мэс засал, Элэг цөс нойр булчирхайн мэс заслын тасгууд, Хөхний төв, Нийгмийн эрүүл мэнд сургалт төлөвлөлтийн алба, Сувилахуйн албаны эмч, сувилагч, дадлагажигч эмч нар зэрэг 20 хүний бүрэлдэхүүнтэй баг уг үйл ажиллагаанд оролцов. ХСҮТ-ийн эмч мэргэжилтнүүд зонхилон тохиолдох хавдруудын оношилгоо, эрт илрүүлэг, урьдчилан сэргийлэлт, эмчилгээний талаар зөвлөгөө мэдээлэл өгөх, артерийн даралт, захын цусанд хүчилтөрөгчийн хангамжийг хэмжих, хөхөө шалгах аргыг заах, мэдээлэл сурталчилгааны материал тараах, ТВ-ээр видео сурталчилгаа хийх, фестивалийн үеэр зохион байгуулагдсан олон нийтийн бусад арга хэмжээнд оролцох зэрэг үйл ажиллагаануудыг хэрэгжүүллээ. Эмчийн үзлэг, зөвлөгөөнд 30 хүн хамрагдаж, 63 хүн цусны даралт болон захын цусны хүчилтөрөгчийн хэмжээгээ тодорхойлуулсан байна. “Эрүүл Монгол хүн” фестивальд идэвхитэй оролцож хамтран ажилласан эмч, сувилагч, дадлагажигч эмч, оюутнууддаа баярлалаа.
“ЯГААН АЛХАЛТ-2023” боллоо.
Эмэгтэйчүүдийн хорт хавдраас урьдчилан сэргийлэхэд олон нийтийн анхаарлыг хандуулах, энэ чиглэлд төрийн, төрийн бус байгууллагуудын хамтын ажиллагааг бэхжүүлэх, хавдрыг даван туулагчдыг дэмжих зорилгоор олон улсад зохион байгуулагддаг “ЯГААН АЛХАЛТ” манай улсад 3 дах удаагаа боллоо. ХСҮТ нь уг алхалтыг 2018 оноос хамтран зохион байгуулж дэмжин оролцож ирсэн бөгөөд өнгөрсөн хагас сайн өдөр буюу 6-р сарын 3-нд болсон “ЯГААН АЛХАЛТ-2023” арга хэмжээнд ХСҮТ-ийн 80 гаруй ажилтан оролцож алхасны зэрэгцээ хөх, умайн хүзүүний хорт хавдраас сэргийлэх мэдээлэл зөвлөгөө өгч, сурталчилгааны материал, санамж тараалаа.
Эмэгтэйчүүд ба Хорт хавдар
Монгол улсад эмэгтэйчүүдийн дунд зонхилон тохиолдож буй хорт хавдрын өвчлөлийн 18.3 хувь, нас баралтын 12.7 хувийг умайн хүзүү, хөхний байрлалтай хавдрууд эзэлж байна. Умайн хүзүү, хөхний хорт хавдруудын 46.4 хувь нь өвчний хожуу үедээ оношлогдож, 2023 онд 243 эмэгтэй эдгээр буюу сэргийлэх бүрэн боломжтой өвчний шалтгаанаар амь насаа алджээ.Монгол улс 2030 он гэхэд умайн хүзүүний хорт хавдрыг эмэгтэйчүүдийн нас баралтын шалтгаан биш болгох тухай ДЭМБ-ын санаачлага, зорилтыг дэмжин нэгдсэн 17 орны нэг билээ. Энэ зорилтод хүрэх чухал алхам бол умайн хүзүүний хорт хавдрын зонхилох шалтгаан болох Хүний Папиллом Вирусийн эсрэг дархлаажуулалтад охид, хөвгүүдийг бүрэн хамруулах асуудал юм. Манай улсад энэ вакцин одоогоор сайн дурын үндсэн дээр ХӨСҮТ-д хийгдэж байгаа бөгөөд товлолт дархлаажуулалтын хөтөлбөрт хамруулахаар бэлтгэж байна. Түүнчлэн эмэгтэйчүүд 30-60 насандаа 3 жил тутам умайн хүзүүний хорт хавдрыг эрт илрүүлэх, 40-69 насандаа 2 жил тутам хөхний хорт хавдрыг эрт илрүүлэх үзлэг шинжилгээ хийлгэхийн ач холбогдлын талаар зөв мэдээлэлтэй байж, тогтмол хамрагдснаар хорт хавдартай эсэхээ найдвартай мэдэх, өвдсөн ч эрт үед нь илрүүлж бүрэн төгс эмчлэгдэх боломжтой юм.#ягаантуузны алхалт-2023-т хамтран ажилласан, зохион байгуулсан талууддаа баярлалаа.
Бизнесс Академи
Хавдар судлалын үндэсний төв, АШУҮИС-ийн Нийгмийн эрүүл мэндийн хүрээлэн/MNUMS Institute of public health хамтран Ягаан туузны алхалт 2023- Pink Walk Mongolia 2023-г зохион байгуулах гэж байна. Ковид-19 цар тахлын жилүүдэд түр завсарласан энэхүү алхалтын арга хэмжээ 3 дах удаагаа маргааш Сүхбаатарын талбай дээр болно.
Эмэгтэйчүүдийн хавдраас сэргийлэхэд олон нийтийн анхаарлыг хандуулах зорилготой Ягаан туузны алхалт 2023- Pink Walk Mongolia 2023 -д оролцогчдыг маргааш 10 цагаас Сүхбаатарын талбайн зүүн хойд хэсэгт бүртгэнэ.Эмэгтэйчүүд, охидоо мэдлэгээр хамгаалцгаая.#ягаантуузны алхалт 2023
Их уншсан мэдээ
Санал асуулга
Loading ...Хандалт
