ОУАЭА-ийн бүс нутгийн төслийн хүрээнд 2019 оны 3-р сарын 11-15-ны өдрүүдэд Изралийн Тел-Авив хотод зохион байгуулагдсан “Туяа эмчилгээний үед гарч болзошгүй цацрагийн ослоос урьдчилан сэргийлэх нь” сэдэвт олон улсын сургалтанд тус төвийн Цацрагийн Аюулгүй Албаны төлөөлөл, ЭЗТҮ эрхэлсэнд дэд захирал С.Хүрэлсүх, ХӨЭК-ийн удирдагч Ц.Уранчимэг, цацрагийн хяналтын физикч Ш.Мөнхбат нар амжилтай оролцоод ирлээ.

Зайн болон дотуур туяа эмчилгээтэй холбоотой төрөл бүрийн осол, түүнээс хэрхэн сэргийлэх, өвчтөн болон ажиллагсдын цацрагийн хамгаалалт, ослыг мэдээлэх, сургамж авах, эрсдлийн менежмент зэрэг мэдлэгээс гадна тохиолдлууд дээр дадлагажуулалт хийлгэн эрсдлийн дүгнэлт гаргаж сурагцагчдыг идэвхитэй оролцуулсан өгөөжтэй сургалт байлаа.

Тус төв дээр шугаман хурдасгуурт зайн туяа эмчилгээний аппарат суурилагдаж байгаатай зэрэгцэн уг сургалтанд хамрагдаж, шинэ аппараттай холбоотой гарч болзошгүй осол эндэгдлийн эрсдлийн менежментийг хэрхэн зөв зүйтэй хийх талаар туршлагаас судалсан нь цагаа олсон сайхан хэрэг боллоо.

Японы Хирошима хотод “Орчин үеийн дэвшилтэт туяа эмчилгээ” сэдэвт олон улсын сургалт 2-р сарын 18-22-ний өдрүүдэд зохион байгуулагдаж, 16 орны 70 гаруй төлөөлөгч оролцлоо.  Уг сургалтанд манай улсаас ХСҮТ-ийн Хавдрын өвөрмөц эмчилгээний клиникийн удирдагч Ц.Уранчимэг, туяа эмчилгээний тасгийн эрхлэгч М.Минжмаа, их эмч Н.Сансар, фикикч инженер Ш.Мөнхбат, техникч Д.Даваабат нар хамрагдав.

Сургалтын үеэр Японы Хирошима мужийн амбан захирагч Юузаки Хидэхико ХСҮТ-ийн туяа эмчилгээний тасгийн эмч, ажилчдыг хүлээн авч уулзлаа. Тэрээр Монголд анх удаа шугаман хурдасгуурт зайн туяа эмчилгээний аппарат суурилуулж, туяа эмчилгээг шинэ шатанд гаргаж буй энэхүү түүхэн үйл явдал, их үйлсэд амжилт хүсээд, цаашид ХСҮТ-ийн Хирошима их сургууль болон Хирошимагийн цацрагт өртөгсдөд эрүүл мэндийн тусламж үзүүлэх олон улсын зөвлөл (HICARE)-тэй байгуулсан хамтын ажиллагааг  дэмжихээр боллоо.

2018 оны 2-р сард ХСҮТ-ийн Ерөнхий захирал Ж.Чинбүрэн, ХӨЭК-ийн удирдагч Ц. Уранчимэг нар Хирошимад айлчилж, Хирошима их сургууль болон HICARE-ээс туяа эмчилгээний эмч, мэргэжилтнүүдийг сургах, ажлын байран дээрхи сургалт зохион байгуулах, хамтран ажиллах хүсэлт гаргаснаар 2018 оны 3-р сарын 28-нд ийнхүү хамтын ажиллагааны гэрээ байгуулсан ба уг арга хэмжээнд 2 улсын ард түмний хүндлэл болсон Сүмогийн их аварга Хакухо оролцлоо.

Шугаман хурдасгуурт аппаратаар туяа эмчилгээ хийж эхлэхтэй холбогдуулан Хирошима их сургуулиас туяа эмчилгээний эмч, физикч нар ирж ажлын байран дээрх сургалт зохион байгуулах, тус төвийн туяа эмчилгээний тасгийн 2 эмч, 2 техникчийг Хирошима их сургуулийн туяа эмчилгээний тасаг болон Хирошима хотын өндөр нарийвчлалтай туяа эмчилгээний төвд 2 сарын сургалтанд хамруулах ажлыг ойрын хугацаанд хийхээр төлөвлөөд байна.

Бидний ажлыг дэмжсэн Японы Хирошима мужийн амбан захирагч Юузаки Хидэхико, Японы Хирошима их сургууль, HICARE, Хирошима хотын өндөр нарийвчлалтай туяа эмчилгээний төвд гүнээ талархаж байна.

Мөн дээрхи урт хугацааны сургалтын зардлыг Олон улсын атомын энергийн агентлаг (ОУАЭА)-ийн төслөөр санхүүжүүлэхэд гүн туслалцаа үзүүлсэн Цөмийн Энергийн Комиссын Ажлын Хэсэг, ЭМЯ-д баярлаж талархснаа илэрхийлье.

Хавдар Судлалын Үндэсний Төв хавдрын чиглэлээр Дэлхийд тэргүүлэгч байгууллага болох Техасын Их Сургуулийн дэргэдэх Андерсоны хавдрын төвийн мэргэжлийн багуудтай хамтран ажиллаж эмч нарын зөвлөгөөн хийж эхэллээ.

Энэ оны 2-р сарын 8-нд эмэгтэйчүүдийн хавдрын сэдвээр анхны зөвлөгөөнөө амжилттай хийлээ.  Цаашид толгой хүзүү болон хөнгөвчлөх эмчилгээний чиглэлээр зөвлөгөөн хийхээр төлөвлөж байна.

Тус төвийн хамт олон өнгөрөгч баасан гаригт өнгөрсөн жилийн амжилт бүтээлээ дүгнэн хэлэлцлээ.  Мөн салбарын тэргүүний ажилтан албан хаагчиддаа баяр хүргэсэн бөгөөд ажил үйлсээрээ хамт олноо манлайлан ажилласан ажилтан албан хаагчдаа шалгаруулан шагнаж урамшууллаа.

2018 оны 10 дугаар сарын 19, 26-ны өдрүүдэд төвийн нийт эмч, эмнэлгийн мэргэжилтнүүдэд “Эмнэлгийн мэргэжилтний ёс зүйн  хэм хэмжээ, харилцаа хандлага” сэдэвт 2 кредитын сургалтыг төвийн эмнэлэгийн мэргэжилтний ёс зүйн салбар хорооноос зохион байгуулсан ба төвийн нийт 300 гаран ажилтан хамрагдсан.

Эмч, эмзүйч нарын дунд нян эмэнд тэсвэржих үзэгдэлээс сэргийлэх, эмнэлгийн тусламж үйлчилгээтэй холбоотой халдварын  эрсдэлийг бууруулах, антибиотикийн зохистой хэрэглээг төлөвшүүлэх зорилгоор  “Антибиотикийн даслаас урьдчилан сэргийлье” сэдэвт мэтгэлцээнийг амжилттай зохион байгуулан явууллаa.

“Антибиотикийн даслаас урьдчилан сэргийлье” сэдэвт 3-5 минутийн мэндчилгээ,  асуулт, хариулт, “ Антибиотикийг жорын дагуу хэрэглэе”,“Антибиотикийн даслаас урьдчилан сэргийлье” уриан дор тасгууд иргэд, олон нийт болон тасагтаа зохион байгуулан хийсэн ажил,  тасгуудын оролцоо гэсэн үзүүлэлтээр дүгнэж онооны дараалалаар байр эзлүүлэхэд  Эмэгтэйчүүдийн мэсзаслын тасаг нэгдүгээр байр, Хими эмчилгээний тасаг хоёрдугаар байр, Туяа эмчилгээний тасаг гуравдугаар байр тус тус эзэллээ.  Эмч, эмзүйч нар идвэхтэй оролцлоо.

Тус төвийн хими эмчилгээний тасагт “ХУТАГТ АСАНГА ТӨВ”-ийн хамт олноос эмчлүүлэгчийн тэргэнцэр бэлэглэсэнд талархаж та бүхний цаашдын ажил үйлсэд өндөр амжилт хүсье.

“Бусдын төлөө хийсэн буянтай үйлс тань буцаад та бүхэнд ирэх болтугай.”

Хими эмчилгээний тасгийн хамт олноос

Монгол Эм Импекс Концерноос 95 жилийнхээ ойг угтан “95 САЙН ҮЙЛС” аян өрнүүлж байгаа билээ.

Энэхүү ажлын хүрээнд МЭИК-ийн гүйцэтгэх захирал Б.Болормаа тэргүүтэй албаны хүмүүс тус төвийн Химийн эмчилгээний тасагт эмч, ажиллагсад, эмчлүүлэгчдэд зориулан  тав тухтай нөхцлийг бүрдүүлсэн 2 өрөөг иж бүрэн тохижуулж  хүлээлгэн өглөө.

Төвийн удирдлагууд болон  хими эмчилгээний тасгийн эмч, ажилчид, үйлчлүүлэгчид талархалаа илэрхийллээ.

Монголын хүн ард эрүүл энх байх болтугай.