Хавдар Судлалын Үндэсний Төвийн ЭЦНБМЗЭШСТ, Монголын элэг цөс нойр булчирхайн нийгэмлэг хамтран 2023 оноос хойш жил бүр зохион байгуулж буй “Элэг цөс нойр булчирхайн мэс засал болон хавдар судлаач эмч нарын чуулга уулзалт”-ын 2025 оны олон улсын хурал 8-р сарын 5-9-ны өдрүүдэд болж байна.Энэ жилийн хуралд элэг цөс нойр булчирхайн мэс засал, урологи, дурангийн мэс засал, ангиографийн болон хавдар судлаач эмч мэргэжилтнүүдээс гадна ОХУ, Япон, Энэтхэг улсаас эмч мэргэжилтнүүд оролцож байна.Хурлыг ХСҮТ-ийн ерөнхий захирал, МУ-ын хүний гавъяат эмч, АУ-ны доктор, профессор Ц.Батболд Batbold Tseleejav, Японы Олон Улсын Анагаах ухааны солилцооны сангийн (JIMEF) ерөнхий нарийн бичгийн дарга Mamoru Tokuya нар нээж үг хэллээ.Чуулга уулзалтын эхний 2 өдөр ХСҮТ-ийн ЭЦНБМЗЭШСТ-ын мэс заслын эмч: Д.Цэрэндорж “Нойр булчирхайн хорт хавдарын үеийн мэс засал эмчилгээ”, Б.Эрдэнэбулган“Бөөрний хавдарын мэс заслын үед тунгалагийн булчирхай түүх: заалт, техник болон гүйцэтгэл”, дурангийн эмч Б.Амарбат “Ходоодны салстын дор байрлалын хавдрыг уян дурангаар авах нь”, ангиографийн эмч Б.Тэргүүнбилэг “HAIC FP эмчилгээг Монгол улсад нэвтрүүлэх нь”, зочин илтгэгч “Урологийн хорт хавдарын үеийн мэс засал эмчилгээний орчин үеийн стандартууд”, зочин илтгэгч Тоёома Их сургуулийн эмнэлгийн Дотрын 3-р тасгийн эрхлэгч, профессор Ichiro Yasuda “ЭХО хяналтын дор уян дурангаар цөсний сувагт гуурс тавих нь”, ОХУ-ын Үндэсний Анагаах Ухааны СудалгааныТөвийн инноваци, технологийн төвийн судлаач Михайл Потиевски “Мэдээллийн сан боловсруулах нэгдсэн систем ба Элэг цөс нойр булчирхайн хорт хавдарын үеийн менежментэд хиймэл оюун ухааныг ашиглах нь”, П.А Герцений нэрэмжит Москвагийн Хавдар судлалын институтийн дэд захирал Николай Воробьев “Урологийн хорт хавдарын үеийн мэс засал эмчилгээний орчин үеийн стандартууд”, Энэтхэг улсын Маренго Ази эмнэлэгийн эмнэлзүйн эрхэлсэн захирал,профессор Пунит Сингла “Хорт хавдартай өвчтнүүдэд ЭШС-д дархлаа дарангуйлах эмчилгээний гол асуудлууд”, УНТЭ-ийн бөөр шилжүүлэн суулгах багийн ахлагч М.Эрдэнэсайхан “Монгол улсын бөөр шилжүүлэн суулгах мэс заслын өнөөгийн байдал” сэдвээр тус тус илтгэл хэлэлцүүлснээс гадна хамтарсан мэс засал, мэс ажилбаруудыг хийх, оролцогчид видео дамжуулалтаар харах зэрэг нарийн мэргэжлийн эмч мэргэжилтнүүдэд үнэ цэнэтэй мэдлэг, туршлага, ур чадварт суралцах боломж олгосон юм.Хурлын сүүлийн өдрүүдэд Өмнөговь аймгийн БОЭТ-д ажиллана.
Хурлыг зохион байгуулагч ЭЦНБМЗЭШСТ-ийн хамт олонд амжилт хүсье.
Хавдар судлалын үндэсний төвөөс 8 тасгийн 15 нэр төрлийн 5490 ширхэг мэс заслын дараах хөтөч дэвтэр хэвлэгдэн хэрэглээнд нэвтрэхэд бэлэн болсон. Эдгээр дэвтрийг боловсруулахад хамгийн том туслалцаа үзүүлсэн ХСҮТөвийн бүх эмч нартаа талархал илэрхийлье.
1. Ерөнхий мэс заслын тасаг- 950 ширхэг
– Яс, зөөлөн эд – 100ш
– Шулуун гэдэсний хорт хавдар – 150ш
– Ходоодны хорт хавдар (I) – 100ш
– Ходоодны хорт хавдар (I-III) – 600ш
2. Цээжний хөндийн мэс заслын тасаг – 100 ширхэг хавтас
– Уушгины хорт хавдар – 70ш
– Голтын хорт хавдар – 30ш
3. Элэг, цөс, нойр булчирхайн мэс засал – Эрхтэн шилжүүлэн суулгах төв – 770 ширхэг
– Элэгний хорт хавдрын дараах мэс засал – 600ш
– Нойр булчирхайн хорт хавдар – 40ш
– Бөөрний хорт хавдар – 130
4. Толгой хүзүү, нөхөн сэргээх, мэдрэлийн мэс заслын тасаг – 470 ширхэг
– Бамбай булчирхайн хорт хавдар – 200ш
– Толгой хүзүүний хорт хавдар – 270ш
5. Хөхний төв – 700 ширхэг хавтас
– Хөхний хорт хавдар – 700ш
6. Эмэгтэйчүүдийн мэс заслын тасаг – 250 ширхэг
– Эмэгтэйчүүдийн хорт хавдар – 250ш
7. Дурангийн тасаг – 250 ширхэг
– Улаан хоолойн эрт үеийн хорт хавдар – 250ш
8. Ангиографийн тасаг – 2000 ширхэг
– Элэгний хорт хавдрын мэс ажилбар – 2000ш тус тус хэвлэгдсэн.
(Нэг жилийн хэрэгцээнд тооцоолж хэвлүүлсэн болно. )
ХСҮТ нь уг төвтэй 2022 онд Санамж бичиг байгуулж, сургалт, эрдэм шинжилгээ болон оношилоо, эмчилгээний шинэ технологи нэвтрүүлэх чиглэлээр хамтран ажиллаж байна. Энэхүү гэрээний хүрээнд тус төвийн эмч, мэргэжилтэнүүд туршлага солилцох, шинэ технологид суралцаж байгаа төдийгүй хавдар судлалын чиглэлээр суралцаж буй резидент эмч нарыг солилцооны хөтөлбөрт хамруулж сургаж эхэллээ. Солилцооны эхний хөтөлбөрт ХСҮТ-ийн хавдар судлал үндсэн мэргэшлийн сургалтад суралцаж буй резидент эмч Д.Баасандагва, И.Аимжан нар П.А Герцений нэрэмжит ОХУ-ын хавдрын судалгааны төвд 14 хоног суралцахаар явж байна. Суралцах хугацаандаа тус төвийн хавдрын оношилгоо, эмчилгээний шинэ арга, технологитэй танилцахын зэрэгцээ хавдрын системийн эмчилгээ, туяа эмчилгээний тасагт ажиллаж суралцана. Мөн тус төвийн хавдар судлалын резидент эмч нар манай төвд ирж суралцах юм.
ХСҮТ-ийн Ерөнхий захирал М.Адилсайхан солилцооны хөтөлбөрт хамрагдаж буй резидент эмч нарыг хүлээн авч уулзаж, сургалтын ач холбогдол, сургалтын явцад анхааран суралцах чиглэл, мөн сургалтын дараа хэрэгжүүлэх ажлын талаар санал солилцож, зөвлөгөө өгч сургалтад нь амжилт хүслээ.
Энэхүү хөтөлбөрийг хэрэгжүүлэхэд дэмжлэг үзүүлэн хамтран ажиллаж буй П.А Герцений нэрэмжит ОХУ-ын хавдрын судалгааны төвийн удирдлага, гадаад хамтын ажиллагааны хэлтэс, сургалтын алба болон Эс Эф Си Эс компаний хамт олонд талархал илэрхийлье.
Хавдрын тусламж үйлчилгээний чанар хүртээмжийг сайжруулах, хүлээгдэл, чирэгдлийг бууруулахад үйлчлүүлэгч, эмчлүүлэгчдийн санал бодлыг сонсох, үүрэг, оролцоог нэмэгдүүлэх, хамтран ажиллах хэрэгцээ шаардлага өндөр байна.
Энэ хүрээнд өчигдөр хавдрын даван туулагчдын ТББ-ууд, даван туулагчдын төлөөлөлтэй ХСҮТ-ийн удирдлагууд уулзаж, цаашдын хамтын ажиллагааны талаар санал солилцлсон юм.
Уулзалтад ХСҮТ-ийн ерөнхий захирал М.Адилсайхан, эмнэл зүй эрхэлсэн дэд захирал С.Хүрэлсүх, үйл ажиллагаа эрхэлсэн дэд захирал Э.Хишигдорж, НЭМС-ын албаны дарга Ц.Бадамсүрэн, ХХБТЭИА-ны дарга Т.Ундармаа, ҮДА-ны дарга Л.Энхээ, нийгмийн ажилтан Б.Ганзаяа, Наран ижий заяа ТББ-ын тэргүүн Ш.Ариунаа, гүйцэтгэх захирал Г.Ундрах, хавдрын даван туулагч, сайн дурын идэвхитэн Д.Мөнх-Эрдэнэ, Д.Болормаа, Мягмархүү нар оролцлоо. Цаашид хавдрын даван туулагч-сайн дурын идэвхитнүүдийг бэлтгэх, идэвх итэй хамтран ажиллах зорилгоор тодорхой ажлуудыг хэрэгжүүлэх юм.
Хорт хавдар өвчний эмчилгээний нэг чухал бүрэлдэхүүн хэсэг нь туяа эмчилгээ юм. Хавдрыг бүрэн эмчлэх эсвэл мэс заслын өмнө хавдрыг багасгаж, мэс засал хийх цар хүрээг багасгах зорилгоор, эсвэл мэс заслын дараа хавдрын эсийн үлдэц байгаа эсэхийг шалгаж хавдрыг бүрэн устгах зорилгоор туяа эмчилгээ хийдэг. Нэг бол мэс засал хийх боломжгүй хүнд хавдрыг багасгах, хожуу буюу IV шатанд орсон өвчтөнд хөнгөвчлөх зорилгоор хийдэг байна.
Жишээ нь, хорт хавдрын улмаас нугас дарагдсан тохиолдолд хөл, гар мэдээгүй болохоос эхлээд олон талын хүндрэл гарах эрсдэлтэй. Ийм үед хөнгөвчлөх, мэдрэлийн үйл ажиллагааг хадгалах зорилгоор яаралтай буюу 48 цагийн дотор туяа эмчилгээ хийж чадвал эрхтэн системийн үйл ажиллагаа хэвээр хадгалагдах боломжтой аж.
Анагаах ухааны хөгжлийн үр дүнд өвчтөнд зовуурь шаналгаагүй, эд эрхтэнийг зүсэж тайрахгүй, аль болох хэвээр хадгалах буюу инвазив бус эмчилгээний чиг хандлагыг илүүд үзэж байна. Тэрхүү чиглэл зорилгод туяа эмчилгээ яв цав нийцнэ. Туяа эмчилгээ нь зүсэж цус гаргахгүй, өвчтөнд зовуурь шаналгаагүй, бүрэн эмчлэх зорилготойгоороо зарим тохиолдолд мэс заслаас дутахгүй үр дүнд хүрэх боломжтой.
Их уншсан мэдээ
Санал асуулга
Loading ...Хандалт
