БИДНИЙ ТУХАЙ

Туяа эмчилгээний тасаг нь Монгол Улсын хэмжээнд хорт хавдарт хийгдэх өвөрмөц эмчилгээниий нэг болох туяа эмчилгээг ионжуулагч цацрагийн үүсгүүрийг ашиглан хийдэг нэгж юм.
Тус тасаг нь Туяаны их эмч 8, Эмнэлгийн физикч 4, Тоног төхөөрөмжийн инженер 2, Дозиметрист 1, Туяаны техникч 10, Сувилагч 16 бүрэлдэхүүнтэй, 50 ортой үйл ажиллагаа явуулдаг.

Манай тасгийн эрхэм зорилго:
“Дэлхийн дэвшилтэт технологийг эх нутагтаа анхлан нэвтрүүлж, ОУ-ын стандартад нийцсэн туяа эмчилгээний тусламж үйлчилгээг чанартай хүртээмжтэй үзүүлэхэд оршино”

Түүх:
1959 онд Улсын клиникийн төв эмнэлгийн дэргэданхны туяа эмчилгээний рентген аппаратыг суурилуулсанаар Монгол Улсад туяаэмчилгээний түүх эхэлсэн.
1961-1995 он
“Цацраг туяа эмнэлэг” байгуулагдан Ө.Норовсамбуу, Б.Бямбацэрэн, П.Цогзолмаа, Д.Ичинхорлоо, Ш.Ичинхорлоо нар туяаны эмчээр бэлтгэгдэн ЗХУ-ын мэргэжилтнүүдтэй хамтран ажиллаж байжээ.1961 онд ГУТ-Со-60-400, Луч-1 гамма эмчилгээний аппаратуудтайгаар үйл ажиллагаагаа эхэлж 1983 онд зайн туяа эмчилгээний АГАТ-С, РОКУС-М, дотуур туяа эмчилгээний АГАТ-В гэсэн шинэ аппаратуудаар эмчилгээ үйлчилгээ явуулж эхэлсэн.
1995-2006 он
Тоног төхөөрөмж: GWGP-80 аппарат, HMD-I симулятор, ROCS туяа эмчилгээний төлөвлөлтийн компьютер систем, AMRA, GZP-6 дотуур туяа эмчилгээний аппарат, цацрагийн хяналтын дозиметрийн иж бүрдэл, C-arm, хэлбэржүүлсэн блок цутгах төхөөрөмж
Технологи: Зайн туяа эмчилгээний 2D клиник болон физик төлөвлөлт, дотуур туяа эмчилгээний ортогонал дүрслэлд суурилсан төлөвлөлт, өвчтөн бүрт тохирсон хэлбэржүүлсэн тугалган хаалт, хөдөлгөөнгүй байлгах систем
2007-2016 он
Тоног төхөөрөмж: Зайн туяа эмчилгээний GWXJ-80, Бабатрон-II аппарат, CMS XiOфизик төлөвлөлтийн систем, SIEMENS SOMATOM Emotion 6 комьютерт симулятор, HMD-IB, IMAGIN симулятор, Gynesourceдотуур туяа эмчилгээний аппарат
Технологи: Зайн туяа эмчилгээний 3 хэмжээст физик төлөвлөлтийн систем ашиглалтанд орсноор орчин үеийн дэвшилтэт технологи болох 3 хэмжээст туяа эмчилгээг хийж эхэлсэн ба Монгол Улс дахь туяа эмчилгээ хөгжлийн шинэ шатанд гарсан.

МЭРГЭЖЛИЙН БАГИЙН ҮЙЛ АЖИЛЛАГАА

– Амбулаторийн үзлэг
– Хэвтэн эмчлүүлэх 50 ортой тасаг
– 2 хэмжээст клиник төлөвлөлт
– 3 хэмжээст клиник төлөвлөлт
– Физик төлөвлөлт
– Зайн туяа эмчилгээ
– Дотуур туяа эмчилгээ
– Засвар үйлчилгээ
– Цацрагийн чанарын хяналт
– Дотуур туяа эмчилгээний цацрагийн чанарын хяналт