ХСҮТ-ийн Үйлчлүүлэгчийг дэмжих алба, Монголын эрүүл мэндийн сэтгүүлчдийн Цагаан үзэг холбоо хамтран “Дэлхийн хавдрын эсрэг өдөр 2024”-ийг угтан хорт хавдар түүний эмчилгээ, оношилгооны өнөөгийн чиг хандлага, баримталж буй бодлого, хэрэгжүүлж буй арга хэмжээ, тулгамдаж буй асуудлуудын талаар олон нийтэд үнэн зөв, бодит мэдээллийг түгээх зорилгын хүрээнд 20 гаруй хэвлэл мэдээллийн байгууллагын сэтгүүлч, зураглаачид “Хавдаргүй ирээдүйн төлөө БҮГДЭЭРЭЭ эрх мэдэл, манлайллаа нэгтгэцгээе” уриан дор зохион байгуулагдсан сургалтад хамрагдлаа. Сургалтад ХСҮТ-ийн ерөнхий захирал Н.Эрдэнэхүү, НЭМҮТ-ийн Эрүүл мэндийг дэмжих мэдээллийн албаны дарга С.Гэрэлмаа, ХСҮТ-ийн үйл ажиллагаа эрхэлсэн захирал Ц.Уранчимэг, ХӨСҮТ-ийн дархлаажуулалтын албаны дарга О.Дашпагма, Хавдрын үндэсний зөвлөлийн тэргүүн Б.Цэцэгсайхан, ХСҮТ-ийн ХХБТЭИА-ны дарга Т.Ундармаа нар оролцож сэтгүүлчдэд хорт хавдар болон хавдрын эрсдэлт хүчин зүйлсийн талаарх мэдээллийг хүргэлээ.
Loading ...
