Тус төвийн Ерөнхий мэс заслын тасгаас зохион байгуулсан “Амин үзүүлэлт” сэдэвт үзүүлэх сургалтыг тасгийн эрхлэгч Р.Ганбаатар, Сувилахуйн албаны дарга Д.Дуламсүрэн нар нээлээ.
Сувилагч нарын мэдлэг, чадварыг дээшлүүлэх зорилгоор уламжлал болгон зохион байгуулдаг энэ удаагийн үзүүлэх сургалтаар үйлчлүүлэгчийн амин үзүүлэлтийг үнэлэх, биеийн байдлын үнэлгээг хийхдээ үйл ажиллагааны заавар, стандартыг баримтлан ажиллах тухай байлаа.
Үзүүлэх сургалтанд ХХСА-ны дарга Д.Эрдэнэцэцэг болон 8 тасгийн нийт 40 гаруй сувилагч нар идэвхтэй оролцов.
Ахлах сувилагч С.Өсөхбаярын удирдлаган дор сувилагч Б.Бурмаа, С.Азжаргал нар “Артерийн даралт”, “Судасны цохилт”, “Амьсгал”, “Халуун хэмжих” сэдвээр онолын хичээл зааж сувилагч Э.Бүжинлхам, Т.Гантулга, Б.Оюун, Б.Цэдэнхүү нар гардан ажилбарыг дадлага хэлбэрээр үзүүлэх сургалт явууллаа.
Мөн үзүүлэх сургалтын үйл ажиллагааны талаар тасгийн ахлах сувилагч, сувилахуйн албаны дарга, арга зүйч, сайн дурын мэргэжилтэн, халдварын хяналт сэргийлэлтийн албаны дарга болон тасгийн сувилагч нарын дунд хэлэлцүүлэг явуулсан юм.