Эрдмийн зөвлөлийн дарга Г.Пүрэвсүрэн Япон улсад айлчиллаа

2016.12.5-9 ний өдрүүдэд тус төвийн Эрдмийн зөвлөлийн дарга Г.Пүрэвсүрэн ОУАЭА, МУ-ын Засгийн газрын хамтарсан МОН6/017 төслийн хэрэгжилтийн хүрээнд Япон улсын Гунма анагаахын их сургуулийн туяа эмчилгээний тасаг, дэлхийд тэргүүлэх, “Хүнд ион эмчилгээний төв”-ийн (туяа эмчилгээний хамгийн сүүлийн үеийн технологи, карбон ионоор эмчилдэг) үйл ажиллагаатай танилцах айлчлал хийв. Айлчлалын үеэр Гунма анагаахын сургуулийн Туяа эмчилгээний тасгийн эрхлэгч Профессор Такаши Накано, Молекул онкологийн тасгийн эрхлэгч Масахико Нишияама нартай уулзаж ярилцлаа. Энэ үеэр туяа эмчилгээний мэргэжилтнүүдийг богино хугацаагаар сургах, цаашид хэрэгжүүлэхээр төлөвлөж буй “Хорт хавдрын эсрэг хими эмчилгээний эмийн гаж нөлөө ба мэдрэг байдал холбоот SNP-ийн судалгаа”-г хэрхэн өргөтгөх, хоёр байгууллагын хооронд хамтын ажиллагааны гэрээ хийх боломжтой талаар санал солилцсон, үр дүнтэй айлчлал боллоо.