Хавдар судлалын үндэсний төв

ХҮНИЙ НӨӨЦИЙН ИЛ ТОД БАЙДАЛ



http://www.cancer-center.gov.mn//wp-content/uploads/2016/11/heart-health-1-e1610945670145.jpg


Хавдар судлалын үндэсний төв

ХҮНИЙ НӨӨЦ, ХӨГЖЛИЙН АЛБА



Сонгон шалгаруулалтын үйл явц:

  • Нээлттэй ажлын байрны зарын дагуу иргэний материалыг хүлээн авна.
  • Албан тушаалын онцлогийг харгалзсан шалгалт
  • Ярилцлага
  • Эцсийн шийдвэр

Сонгон шалгаруулалын дүн:

Бүрдүүлэх материал:

  • Сонгон шалгаруулалтанд орохыг хүссэн өргөдөл
  • Диплом, мэргэжлийн үнэмлэхний хуулбар (нотариатаар баталгаажуулсан байх)
  • Иргэний үнэмлэхний хуулбар (нотариатаар баталгаажуулсан байх)
  • Төрийн албан хаагчийн анкет (Маягт №1)
  • 4х6 хэмжээтэй цээж зураг нэг хувь

Материал хүлээн авах хаяг:
13370, Улаанбаатар хот, Баянзүрх дүүрэг, 13-р хороолол, Нам Ян Жугийн гудамж, Хавдар судлалын үндэсний төв, Хүний нөөц, хөгжлийн алба, Утас: 11 – 454111



Хавдар судлалын үндэсний төв

НЭЭЛТТЭЙ АЖЛЫН БАЙРНЫ ЗАР




Хавдар судлалын үндэсний төв

ИЛ ТОД БАЙДАЛ

Хуулийн хүрээнд 2019 оны 12 дугаар сарын 31-ний байдлаар 1183 өргөдөл ирсэнийг хуулийн хугацаанд шийдвэрлүүлэн хариуг амаар болон бичгээр хугацаанд нь өгч хэвшсэн. Тасаг, албадаас 68 хурлын протокол, ажилтнуудаас ирсэн 1115 өргөдлийг утгаар нь хувилбал:

chart



ДАРААХ АЖЛЫН БАЙРАНД АЖИЛТАН СОНГОН ШАЛГАРУУЛЖ АВНА

2021 ОНД ЗАРЛАГДСАН АЖЛЫН БАЙР


  • Шарлагын техникч – 2 орон тоо
Шарлагын техникч – 2 орон тоо

2021 оны 02-р сарын 24-ны өдөр

Ажлын байранд тавигдах шаардлага:

  •  Анагаах ухааны боловсрол олгох сургууль төгссөн
  • Дүрс оношлогооны техникч мэргэжилтэй
  • Англи хэлний зохих түвшний мэдлэгтэй
  • Ажлын туршлагатай бол давуу тал болно

МАТЕРИАЛ ХҮЛЭЭН АВАХ ХУГАЦАА:

2021.02.24-ны өдрөөс 2021.03.09-ний өдрийн 12:00 цаг хүртэл

АЖИЛД ОРОХ АНКЕТ



ҮЙЛ АЖИЛЛАГАА

  • МЭДЭЭ, МЭДЭЭЛЭЛ
  • ХӨДӨЛГӨӨНИЙ БҮРТГЭЛ БОЛОН ХҮНИЙ НӨӨЦИЙГ ХӨГЖҮҮЛЭХ БОДЛОГО

Хүний нөөцийн стратегийг дүгнэх шалгуур үзүүлэлт:

Нийгмийн баталгааг хангах дэд хөтөлбөрийн  хэрэгжилтийг  дараах  шалгуур  үзүүлэлт:

  • Цалингийн өсөлтийн  хувь,  цалин  нэмэгдлийн   харьцаа
  • Урамшууллын төрөл,  тоо
  • Орон сууцтай  болсон  төвийн  ажилтнуудын  тоо,  эзлэх  хувь
  • Орон сууцны  нөхцлөө  сайжруулсан  ажилтны    тоо,  эзлэх  хувь
  • Сургалтын тоо,  сургалтанд  хамрагдсан  ажилтны  тоо,  эзлэх  хувь
  • Судалгааны тоо,  төрөл
  • Мэргэжлийн хариуцлагын даатгалд  хамрагдсан  ажилтны  тоо,  эзлэх  хувь
  • Төвийн ажилтнуудын нийгмийн  баталгаанд  зарцуулсан  хөрөнгийн  хэмжээ

Эрүүл мэндийг дэмжих дэд хөтөлбөрийн  хэрэгжилтийг  дараах  шалгуур  үзүүлэлт:

  • Урьдчилан сэргийлэх үзлэгт  хамрагдсан  ажилтны  тоо,  эзлэх  хувь
  • Мэргэжлээс шалтгаалсан өвчин, хөдөлмөрийн чадвар  түр  алдалтын тоо,  эзлэх  хувь
  • Нөхөн сэргээх эмчилгээнд хамрагдсан  ажилтны  тоо,  эзлэх  хувь,  эрүүл  болсон  ажилтны  тоо,  эзлэх  хувь
  • Чийрэгжүүлэх танхимд хамрагдсан  ажилтны  тоо,  эзлэх  хувь
  • Мэргэжлээс шалтгаалсан өвчин,  үйлдвэрлэлийн   ослоор  гэмтсэн,  нас  барсан   ажилтны  тоо,  эзлэх  хувь
  • Хөдөлмөрийн хэвийн бус  нөхцөлд  хамаарах  ажлын  байрны  тоо,  эзлэх  хувь

Монгол Улсын төрийн албан хаагчдын ЭРХЭМЛЭХ ЕСӨН ЗҮЙЛ

“Төрийн албаны шинэтгэл: сорилт, боломж” Үндэсний анхдугаар чуулганаас эх орондоо ардчилсан, сайн засаглалыг төлөвшүүлэн бэхжүүлж, хөгжлийн таатай нөхцөлийг бүрдүүлэн, төр, иргэний итгэлцэлд тулгуурласан чанартай үйлчилгээг ард түмэндээ хүргэхийн төлөө төрийн нийт албан хаагчид дараахь есөн зүйлийг эрхэмлэн дагаж мөрдөхөөр  тогтов.

Нэг.Мэдлэгийг эрхэмлэнэ

Хариуцсан ажил үүргээ гүйцэтгэхэд хангалттай мэдлэгтэй байж, түүнийгээ цаг үеийн эрэлт шаардлагад нийцүүлэн байнга хөгжүүлж, мэргэжлийн мэдлэг, ажил хэргийн нэгдлийг нягт хангаж ажиллана.

Хоёр. Чадварыг эрхэмлэнэ

Албан тушаалын чиг үүргээ хэрэгжүүлэхэд зохистой арга барил, ур чадвар, орчин үеийн мэдээллийн технологийн ололтыг эзэмшиж, түүнийгээ ажлаа чадамгай, үр бүтээлтэй гүйцэтгэхэд ашиглана.

Гурав. Хууль ёсыг эрхэмлэнэ

Үндсэн хууль, бусад хуулийг үйл ажиллагаандаа дээдлэн сахиж, төрийн үйлчилгээг зөвхөн тэдгээрт нийцүүлэн хараат бус, бие даасан байдлаар хүргэж хэвшинэ.

Дөрөв. Ёс зүйг эрхэмлэнэ

Төрийн албан хаагчийн ёс зүйн дүрмийг хүлээн зөвшөөрсний үндсэн дээр төрийн албанд ажиллах бөгөөд ёс зүйн үнэт зүйл, зарчим, хэм хэмжээ, шаардлагуудыг ёсчлон биелүүлж, ёс зүйн аливаа зөрчилгүйгээр ажиллана.

Тав. Шударга ёсыг эрхэмлэнэ

Албаны үйл ажиллагаа явуулах, үйлчилгээ үзүүлэх, шийдвэр гаргахдаа  аливаа хэлбэрээр ялгаварлахгүй, тал тохой татахгүй, ямарваа хөндлөнгийн нөлөөлөлд орохгүй, ашиг сонирхлын аливаа зөрчилд автахгүйгээр зөвхөн нийтийн ашиг сонирхолд нийцүүлж, чин шударгаар ажиллана.

Зургаа.Соёлтой харилцааг эрхэмлэнэ

Иргэдэд байнга хүндэтгэлтэй хандаж, тэдний итгэлийг олох хэмжээнд харилцааны соёлыг эзэмшин, үйл ажиллагаа, үйлчилгээгээ эелдэг, уриалгахан, ил тод байлгаж, олон нийтийн санаа бодлыг байнга авч, тэдний эрэлт хэрэгцээнд нийцүүлж ажиллана.

 Долоо. Үнэнч байдлыг эрхэмлэнэ

Төрийн албандаа ямагт чин сэтгэлээс өөриймсөг хандаж, албан үүргээ аль болох үр бүтээлтэй, илүү чанартай гүйцэтгэх талаар санаачилга, идэвх зүтгэл гарган, иргэдэд төрийн үйлчилгээг бүрэн дүүрэн үзүүлэх талаар боломжтой бүх нөөц бололцоог дүүрэн ашиглаж ажиллана.

Найм. Шуурхай байдлыг эрхэмлэнэ

Албаны үйл ажиллагааг явуулахдаа бусдад элдэв чирэгдэл учруулахгүй байж, ялангуяа иргэдийн өргөдөл, гомдол, хүсэлтэд нэн анхааралтай хандаж, боломжтой хамгийн бага хугацаанд шийдвэрлэн хариу өгөх хэмжээнд ажлаа зохион байгуулна.

Ес. Хариуцлага, ил тод байдлыг эрхэмлэнэ

Албаны ажил хэргийг явуулахдаа өөрөөсөө зайлуулах, хариуцлагаас зайлсхийх зэргээр амиа аргацаах зохисгүй байдал гаргахгүй байж, хууль тогтоомжийн хүрээнд мэдээллийн ил тод, нээлттэй байх зарчмыг баримтлан, ажилдаа эзэн болж, шийдэмгий зоримог ажиллан, түүнийхээ гүйцэтгэлийн үр дүнг биечлэн хариуцна.

 “Төрийн албаны шинэтгэл: сорилт, боломж” Үндэсний чуулганд оролцогчид

2011 оны 6 дугаар сарын 23-ны өдөр

Их уншсан мэдээ

Санал асуулга

Та манай сайтын талаар хаанаас олж мэдсэн бэ?

Үр дүн харах

Loading ... Loading ...

Хандалт

2044747

Хавдар судлалын үндэсний төв 2016. Бүх эрх хуулиар хамгаалагдсан.